သမိုင်းထဲကပဋိပက္ခ ပစ္စက္ခနိုင်ငံရီးဖိနှိပ်မှုနန့်  ရခိုင့်အနာဂတ်ရှင်သန်ရီး

 ခိုင်မျိုးခိုင်
1.May.2016

ရခိုင်နန့် ဗမာကြားမှာ ဖြစ်ပါလတ်တေ နှစ်ပေါင်းနှစ်ရာ့သုံးဆယ်ကျော်နိုင်ငံရီးပဋိပက္ခကို ရှင်းရှင်းလင်းလင်း သဘောပေါက်နားလည်ပနာ အဖြေရှာလာနိုင်ဖို့ က အတိတ် ပစ္စုပ္ဗန်နန့် အနာဂတ်မှာပါ ဖြစ်လာနိုင်ရေ အကြောင်းအရာတိကို ထည့်သွင်းစိုင်းစားဖို့  လိုအပ်နိန်လီဖို့ ထင်ရေ။ 

သမိုင်းထဲကပဋိပက္ခကို ခြီရာခံကြည့်ရကေ အေဒီ ၁၁၀၃ ခုနှစ်မှာ ရခိုင်ပြည်အရှိဖက်က ၀င်ပါလတ်ကတ်တေ ပျူရို့ စွာ ရက္ခမဏ္ဍိုင် သီရိဂုတ္တကုန်းတော်ထက်က မဟာမုနိစက်ကို မီးတိုက်ဖျက်ဆီးပစ်ခကတ်တေ။ ဒေပျူလူမျိုးစွာ တိဘက်ကုန်းပြင်မြင့်ကဆင်းပါလတ်တေ လူမျိုးတိနန့် ရောလားပနာ ဗမာ (၀ါ) မြန်မာ ဖြစ်ပါလတ်တေ။
အေဒီ ၁၄၀၆ ခုနှစ်မှာ အင်းဝဘုရင် မင်းခေါင်၏ဗမာတပ်တိစွာ ရခိုင်ဘုရင် နရမိတ်လှ နန်းစိုက်တေ လောင်းကြက်မြို့ ကို ၀င်တိုက်လို့  ရခိုင်ဘုရင် ထွက်ပြီးခရရေ။ လောင်းကြက်မြို့ ကို သိမ်းပြီးကေ ဗမာဘုရင်မင်းခေါင်၏သားမက် အနော်ရထာမင်းစောနန့် သမီးဖြစ်တေ ရွှေပြည်ချမ်းသာကို အုပ်ချူပ်ခိုင်းထားရေ။ အေသူရို့  ဗမာအုပ်ချူပ်ရီးစွာ အလွန်တရာ ဆိုးသွမ်းလွန်းကြောင်းကို သမိုင်းမှတ်တမ်းတိမှာ ဖတ်ရရေ။ အေဒီ ၁၄၃၀ ခုနှစ်မှာ ရခိုင်ဘုရင် နရမိတ်လှစွာ ဂစ္ဆပနဒီမြစ်ဖျားမှာ လူသူလက်နက်အင်အားစုဆောင်းပြီးကေ ဗမာကျူးကျော်သူရို့ လက်ထဲက ရခိုင်ထီးနန်းကို ပြန်သိမ်းနိုင်ခလို့  မင်းစောမွန် နာမေခံပနာ မြောက်ဦးမြို့ ကို တည်ခရေ။ ဒေ ၁၅ ရာစု အစောပိုင်းကာလမှာ ဗမာလက်ထဲကရာ ရခိုင့်ထီးနန်းကို ပြန်မသိမ်းနိုင်ခကေ ရခိုင်လူမျိုးဖြစ်တည်လာမှုစွာ ယင်းအချိန်ကပင် ဗမာရို့ ကျူးကျော်ဖျက်ဆီးမှုကို ခံရပြီးကေ နိဂုံးချူပ်လားလီပါဖို့ ။ 

အားလုံးသိထားကတ်တေအတိုင်း ၁၇၈၄ ခုနှစ်မှာ ဗမာတပ်တိစွာ ရခိုင်ပြည်ကိုဝင်သိမ်းပနာ သန်းချီရေ ရခိုင်လူမျိုးတိကို သတ်ဖြတ်ခကတ်တေ။ မြောက်ဦးနန်းတော်ကို မီးတိုက်ခကတ်တေ။ ယိုင်ကျေးမှု၊ စာပီအမွီအနှစ်တိအားလုံးကို မီးတိုက်ဖျက်ဆီးခကတ်တေ။ ကတညုကုန်းတော်က မဟာမုနိ ကိုယ်စားတော်တစ်ဆူကိုဖျက်ဆီးပနာ မဟာမုနိဘုရားကို ခိုးယူပင့်ဆောင်လားခကတ်တေ။ ယေဇုနန့်  ရခိုင်နန့် ဗမာကြားက နိုင်ငံရီးပြဿနာစွာ ပင်လုံညီလာခံက မြစ်ဖျားခံလာခြင်းမဟုတ်ပဲ သမိုင်းအနာက နက်တေ။
ရခိုင်ရို့ ကို သမိုင်းနန့် ချီပနာ ဒုက္ခပီးလာရေ ဗမာအုပ်ချူပ်ရီးစွာ ခေတ်အဆက်ဆက်မှာ ရိုင်းစိုင်းလွန်းလှပါရေ။ အအုပ်ချူပ်ခံပြည်သူလူထုကို သနားညှာတာရေ တရားဥပဒေထွန်းကားရေ ဆိုစွာမျိုး ဗမာအုပ်ချူပ်ရီး သမိုင်းမှာ မဟိပါ။ ဗမာပဒေသရာဇ်မင်း အဆက်ဆက်စွာ မင်းဆိုးမင်းယုတ်တိများပြီးကေ ဗမာလူမျိုးမှာ တရားမဲ့ အသိမဲ့ သက်ဦးဆံပိုင်ဘုရင်စနစ်ရာ ထွန်းကားခစွာကိုတွိရရေ။ ၁၆ ရာစု ရခိုင်စာဆိုတော် ပညာရှိသုခမိန်ကြီး ဥက္ကာပျံစွာ ရာဇသင်္ကြန်ဘွဲ့ နန့်  သံတမန်တာဝန်ကိုထမ်းဆောင်ပနာ ဗမာပြည်အင်းဝကိုလားခရရေ။ အင်းဝဗမာမင်း၏အုပ်ချူပ်ပုံစွာ ရခိုင်သံအမတ်ကြီး၏မျက်စိမှာ ကမောက်ကမ ကပြောင်းကပြန် ဖြစ်နိန်လို့  “အထူးအထူး” ချီ ဧကပိုဒ်သီဖွဲ့ ပနာ ကိုယ့်ရခိုင်ပြည်ကို အပြန်မှာ ပစ်စာအဖြစ်ထားပစ်ခရေ။ ယင်းကဗျာစွာ ဗမာပဒေသရာဇ်သက်ဦးဆံပိုင်စနစ်ကို သရော်ထားခြင်းဖြစ်ပြီးကေ အအုပ်ချူပ်ခံ ဗမာပြည်သူလူထုကို နိုင်ငံရီးမျက်စိဖွင့်ပီးဖို့  ကလောင်နန့် တိုက်ပွဲဝင်ခခြင်းပင် ဖြစ်ပါရေ။
ရခိုင်လူမျိုးက လူ့ အသိစိတ်အပြည့်နန့်  ဗမာလူမျိုးကို ခေတ်အဆက်ဆက် အကျိုးကျေးဇူးပြုပီးခ ကတ်ကေလေ့ ရခိုင်ရို့ ပြန်ရလာစွာက ဗမာရို့ ၏ကျေးဇူးကန်းခြင်းရာ ဖြစ်နိန်ရေ။ ရခိုင်လူထု ဒုက္ခဆိုက် နိန်ကတ်ရရေ ဗမာအာဏာပိုင်အဆက်ဆက်ကပီးလာကတ်တေ ပစ္စက္ခနိုင်ငံရီးဖိနှိပ်မှု ကတော့ကေ ကမ္ဘာမှာအဆိုးဆုံးလို့ ပြောရပါဖို့ ။ အင်္ဂလိပ်ကိုလိုနီစနစ်၊ ဂျပန်ဖက်ဆစ်စနစ်၊ ဂျာမန်နာဇီစနစ်၊ တောင်အာဖရိကနိုင်ငံက လူဖြူလူမဲခွဲခြားမှုစနစ်ဆိုးတိထက် ဗမာအုပ်ချူပ်ရီးစနစ်က ဆိုးသွမ်းလွန်းရေ။ ရခိုင်ပြည်နန့် ရခိုင်လူမျိုး တခုပိုင်လေ့ ဂေါင်းမထောင်လာနိုင်အောင် ပြန်မထလာနိုင်အောင် ဖြတ်လေးဖြတ် ဖျက်လေးဖျက်နန့် စနစ်တကျ ဖျက်လာကတ်တေ။ ဂုတ်သွီးစုပ်ထားကတ်တေ။ နောင်ဖြစ်လာဖို့  ရခိုင့်အနာဂတ်မျိုးဆက်သစ်တိကိုပါ ဗမာက ကြိုဖျက်ထားရေ။ ရခိုင်ရို့ ကျေးရွာတိက အချေတိစွာ စာမသင်ရ…၊ အာဟာရမပြည့်ဝ၊ လူနိန်မှုအဆင့်အတန်းကလေ့ ဗမာပဒေသရာဇ်တပ်တိ မြောက်ဦးနန်းတော်ကို ၀င်တိုက်ပြီးကေ သန်းချီရေ ရခိုင်သားရို့ ကို သတ်ပနာ မီးတိုက်ထားပစ်ခရေ တစပြင် အခြေအနေအတိုင်းရာ ဟိနိန်ရေ။ အလုပ်အကိုင်ဖန်တီးမှုတခုလေ့မဟိလို့  သိန်းချီရေ ရခိုင်သားရို့  ထိုင်း မလေးရို့ ပိုင် တိုင်းပြည်တိမှာ ခေတ်သစ်လုပ်သားကျွန်တိ ဖြစ်နိန်ကတ်ရပြီးကေ သူရို့ က မွီးလာကတ်တေ အချေတိစွာ စာသင်ခွင့်မရ… တခုလူ့ အခွင့်အရေးလေ့ မရပဲ အထွေထွေလူမှုကပ်ဆိုးကြီးဆိုက်နိန်အောင် ဗမာတိလုပ်ထားကတ်ခြင်းက တခုပိုင်လေ့ ခွင့်လွှတ်သီးခံနိုင်စရာမဟိရေ အခြေအနေတစ်ရပ်ဖြစ်ပါ လတ်တေ။
ယင်းအတွက်နန့်  ဂနိကာလ ရခိုင်ရို့ နိုင်ငံရီးတိုက်ပွဲစွာ သာမန်နိုင်ငံရီးစနစ်အပြောင်းအလဲ ဖယ်ဒရယ် ပြည်ထောင်စုတည်ဆောက်ရီးဆိုရေ ကိစ္စထက် မြင့်လွန်းရေ။ သီရီးရှင်ရီး အနာဂတ်မှာ ရခိုင်လူမျိုး ကြွင်းကျန် ရှင်သန်ရီးအဆင့်ကို ရောက်ပါလတ်ရရေ။ တချို့ က ဒေအခြေအနေကို သဘောပေါက်နားမလည်ပဲ လေဘရယ် ဖယ်ဒရယ်ဒီမိုကရေစီစနစ် ရှင်သန်လာကေ ရခိုင်ရို့ လေ့ အခွင့်အရေးတိ ရလာကတ်ဖို့ လို့ ထင်နိန်ကတ်တေ။ မြန်မာနိုင်ငံရာ အမေရိကန်ပိုင် ဖယ်ဒရယ်ဒီမိုကရေစီပြည်ထောင်စုဖြစ်လာကေ ရခိုင်လူမျိုးစွာ အမေရိကန်က ရတ်ဒ်အိန်ဒီယန်း (Red Indians) ရို့ ပိုင် ဖြစ်လာနိုင်ရေ။ လေဘရယ်ဒီမိုကရေစီစနစ်မှာ တိုင်းရင်းသားလူမျိုးရို့ ၏အမျိုးသားရီး လက္ခဏာအင်္ဂါရပ်၊ ယိုင်ကျေးမှု၊ တန်ဖိုးတိကို စနစ်တကျဖျက်ဆီးတတ်တေ ပင်ကိုယ်သဘောတရား တိပါနိန်ပနာ လူမျိုးရောစပ်ပေါင်းစပ်ခြင်း (Assimilation) ကို ဇောင်းပီးတတ်လို့  အုပ်ချူပ်ခွင့်အာဏာရ လူမျိုးကရာ နိုင်ငံရီးအခွင့်အရေးတိအားလုံးကို လက်ဝါးကြီးအုပ်လားတတ်စွာကို တွိရရေ။ လေဘရယ်ဒီမိုကရေစီ၏ဇာတိချက်မြှပ်မူလဘူတဖြစ်တေ ဗြိတိန်နိုင်ငံမှာ အအုပ်ချူပ်ခံစကော့လူမျိုးရို့  သီးခြားခွဲထွက်ပြီးကေ နိုင်ငံသစ်ထူထောင်ဖို့ တိုက်ပွဲဝင် လာနိန်ကတ်စွာကို ကြည့်ကေ ဗမာနန့် ပေါင်းပနာ တခုပိုင်လေ့ လေဘရယ်ဒီမိုကရေစီ ဖြစ်ဖြစ် ဖယ်ဒရယ်ပြည်ထောင်စုဖြစ်ဖြစ် ထူထောင်လို့ မရနိုင်ကြောင်းကို သဘောပေါက်နားလည်ထားသင့်ရေ။
အဂု ရခိုင်မျိုးဆက်သစ်ရို့ အသက်စွန့် ပီးဆပ်ခြင်းရဲစွမ်းသတ္တိအပြည့်နန့် တိုက်ပွဲဝင်ပါလတ်ကတ်လို့  လက်နက်ကိုင်တော်လှန်ရီးအသက်ဝင်ပါလတ်တေ။ ဗမာနယ်ချဲ့ ဆန့် ကျင်ရီးနန့်  ရခိုင်အမျိုးသား လှုပ်ယှားမှုကြီးအောင်မြင်လာဖို့ က ရခိုင်ပြည်သူလူထုရို့ နိုင်ငံရီးနိုးကြားမှုမြင့်လာပနာ ကျရေနိန်ရာက လွတ်မြောက်ရီးတာဝန်ကို ထမ်းဆောင်လာကတ်ဖို့ လိုလာရေ။ ရခိုင်ရို့ ရေ တစ်ထပ်စာနန့် တနားချေ အသာရဖို့ စွာလောက်ကို မကြည့်ပဲ တစ်သက်စာနန့် လူမျိုးတစ်မျိုးလုံး လွတ်မြောက်ရီးကို ဦးစားပီး လုပ်လားကတ်ဖို့  လိုအပ်တေ။ ဗမာတိလားနိန်ရေလမ်းအတိုင်း ဗမာပဒုံးကိုဆွဲပြီးကေ နောက်လိုက် (Tailism) ဘ၀ကို အဆုံးသတ်ပနာ ရခိုင်သမိုင်းကပြဌါန်းပီးထားရေ ရက္ခိတလမ်းစိုင်နန့်  ရက္ခမဏ္ဍိုင်ကို ပြန်ထူထောင်ဖို့  အချိန်ရောက်ပါလတ်ဗျာယ်။ ကိုယ်ပိုင်အချူပ်အခြာအာဏာနန့် ရခိုင့်နိုင်ငံရီးအဆောက် အအုံကို ရခိုင်ရို့ အုတ်မြစ်ချတည်ဆောက်ပြီးကေ ရခိုင်ပြည်ကို ရခိုင့်အုပ်ချူပ်ရီးနန့်  ရခိုင့်ပြည်သူလူထုဆန္ဒအတိုင်း ရခိုင်ပြည်သူလူထုအတွက် ရခိုင်အစိုးရပေါ်ထွန်းလာခါမှရာ ရခိုင်ရို့ ရင်ဆိုင်နိန်ရရေ အထွေထွေလူမှုကပ်ဆိုးဆိုက်နိန်ရခြင်းက လွတ်မြောက်လာကတ်ပါဖို့ ။