အမ်း ဆန္ဒပြပွဲအတွက် လှုံးဆော်စာ

14.May.2016
အရှင်ကုလရက္ခိတ
( ဝဏ္ဏိတာရာမ ပရိယတ္တိ စာသင်တိုက်၊ အမှတ် (၃) ဈေးရပ်ကွက်၊ အမ်းမြို့သစ်။ )

ဦးဇင်းတို့ အမ်းက ဆွေတော် မျိုးတော်တွေ ငြိမ်းချမ်းရေးအတွက် ဆုတောင်း ဆန္ဒထုတ်ဖော်ပွဲ တရပ်ကို အောက်ပါ အစီအစဉ်အတိုင်း
ဆောင်ရွက်ခွင့်ကို ရကြတော့မှာပါ။
အစီအစဉ်ကိုမပြောခင် ဆန္ဒပြပွဲကို ဦးဆောင်သူ ဖြစ်တဲ့ မြတန်ဆောင်း ဆရာတော် အကြောင်း အနည်းငယ် မိတ်ဆက်ပေးချင်ပါတယ်။ ဦးဇင်းသိထားသလောက် မြတန်ဆောင်းဆရာတော်အကြောင်း မိတ်ဆက်ရရင် ဆရာတော်ဟာ အသက်အရွယ်အားဖြင့် ၃၄ နှစ်သာရှိပြီး သိက္ခာ ဝါတော်မှာတော့ ၁၄ ဝါရထားပြီးဖြစ်ပါတယ်။ ဆရာတော်ရဲ့ ကျောင်းနာမည် မြတန်ဆောင်းဆိုတာဟာလည်း ဆရာတော်ရဲ့ အတန်းကျောင့်းပညာတွေကို သင်ကြားပို့ချပေးနေတဲ့ ပရဟိတ ကျောင်းနာမည်ဖြစ်ပြီး ဆရာတော်ရဲ့ ဘွဲ့နာမည်အရင်းကတော့ ဦးနန္ဒသာရ ဖြစ်ပါတယ်။ မြတန်ဆာင်း ပရဟိတ ကျောင်းဟာဆိုရင် မြောက်ဦးမြို့နယ်မှာ တည်ရှိတာဖြစ်ပါတယ်။
ဆရာတော်ဟာ ပရဟိတစိတ်၊ ဆရာစိတ် ရှိသူပီပီ အနစ်နာခံမှု ၊သည်းခံမှု စာနာနားလည်တတ်မှုတွေနဲ့ ပြည်စုံသူ တစ်ပါးဖြစ်တာကြောင့် ၂၀၁၅ ရာသီနောက်ပိုင်းကနေစပြီး ယနေ့အချိန်ထိ ဖြစ်ပွားနေတဲ့ ရက္ခိုင့်တပ်မတော် (Arakan Army) နဲ့ မြန်မာ့တပ်မတော် (BIA) တို့အကြားဖြစ်နေတိုက်ပွဲတွေကို မလိုလားသူ၊ တိုက်ပွဲ နောက်ဆက်တွဲ အနိဌာရုံများကို မကြားလိုသူ၊ မမြင်လိုသူ ဖြစ်သောကြောင့် စစ်ပွဲတွေ ရပ်ဆိုင်းပြီး နိုင်ငံရေးပြဿနာကို အခြေခံတဲ့ ပြဿနာကို နိုင်ငံရေး စကားဝိုင်း နိုင်ငံရေး အရ ဆွေးနွေးဝိုင်းဖြင့် ဖြေရှင်းပေးဖို့အတွက် ရခိုင်တပြည်နယ်လုံးအပါအဝင်
ရန်ကုန်မကျန် တောင်းဆို ဆန္ဒပြပွဲတွေ ပြုလုပ်ကြဖို့ လိုက်လံပြီးတော့
ဆော်သြနေသူ ဦးဆောင်သူ တစ်ပါးဖြစ်ပါတယ်။

ဒီနေရာမှာ ဦးဇင်းတို့ အမ်းက ဆွေတော်မျိုးတော်တွေအနေနဲ့ သိထားရမှာကတော့ ယနေ့ခေတ်သည် ဒီမိုကရေစီခေတ် စနစ်ဖြင့် မြန်မာနိုင်ငံ၏ နိုင်ငံရေးယန္တယားကြီးကို မောင်းနှင်နေတာဖြစ်တာကြောင့်
အာဏာနဲ့ ပါဝါသည် ပြည်သူတွင်သာတည်သည်။ ပြည်သူ့အများ၏ သဘောထား ဆန္ဒကို ပြည်သူ့ကိုယ်စားရွေးကောက်တင်မြောက်ထားတဲ့ လွတ်တော်ကိုယ်စားလှယ်တွေက အကောင်အထည်ဖော်ပေးကြရမှာဖြစ်ပါတယ်။ ဒါကြောင့် ဘာဖြစ်ချင်တယ် ဘာလိုချင်တယ်လို့
ဆန္ဒထုတ်ဖော်ပြောကြားရမှာက ပြည်သူတွေရဲ့တာဝန်သာဖြစ်ပါတယ်။ ဒီအတွက်လည်း ဘာမှ စိုးရိမ်ကြောင့်ကြစရာမလို။ ဘာသံမှ မထွက်ဘဲ တိတ်တိတ်နေခြင်းသည် ဒီမိုကရေစီပျက်စီးကြောင်းကို ဖြစ်စေတာကြောင့် နိုင်ငံတော်ကို ပျက်စီးအောင် ဖျက်ဆီးရာရောက်မည်ဖြစ်သည်။
ငါ ဆန္ဒပြလျင် ငါအဖမ်းခံရမည် ရာထူးပြုတ်သွားမည်လော့ဟူသော အတွေးအခေါ်အယူအဆများသည် ဒီမိုကရေစီကို အာဏာရှင်ခေတ်သို့ ပြန်လည်တွန်းပို့သော အယူအဆမျိုး အတွေးအခေါ်မျိုးဖြစ်သည်။
ဦးဇင်းတို့ ဆန္ဒဖော်ထုတ်လိုက်သောအားဖြင့် စစ်ဘေးဒဏ်ကြောင့် အစာရေစာ ငတ်ပြတ်နေတဲ့ ခလေးတွေ ကိုယ့်အိမ်ကိုယ်ပြန်ပြီး ထမင်းကောင်းကောင်းစားနိုင်မယ်။ ကျောင်းအပ်ချိန် ရောက်ပြီ၊ သူတို့လေးတွေ ကျောင်းသွားနိုင်ကြမယ် ဆိုတဲ့အတွေးအခေါ်အယူအဆမျိုးတွေက ဦးဇင်းတို့ရဲ့ နိုင်ငံကို တိုးတက်အောင် လှပအောင် ကူညီတဲ့ အကြံအစည်အတွေးအခေါ်မျိုး လုပ်ဆောင်ချက်မျိုးဖြစ်ပါတယ်။
ဒါကြောင့် ဦးဇင်းတို့ ဆွေတော် မျိုးတော်တွေကို ဦးဇင်းကတော့ ယုံကြည်ပါတယ်။ ၁၆ ရက်နေ့မှာ ပြုလုပ်ကြမည် ငြိမ်ချမ်းရေး ဆုတောင်း ဆန္ဒပြပွဲကို တညီတညွတ်တည်း မြို့လုံးကျွတ်ပါဝင် ဆင်နွကြလိမ့်မယ်လို့။
နောက်ပြီး ဦးဇင်းတို့ရဲ့ ဆရာသမားတွေ ညီတော် နောင်တော် ရဟန်းသံဃာတွေအနေနဲ့လည်း ငြိမ်ချမ်းရေးဆန္ဒပြ ဆုတောင်းပွဲကို ပူးပေါင်းပါဝင်ပေးကြဖို့ တပည့်တော် လျောက်ထားလိုပါတယ်ဘုရား။ ဆန္ဒပြတောင်းဆိုပွဲဆိုတာဟာ တကယ်တော့ ဆန်းကြယ်တဲ့အရာ တစ်ခုမဟုတ်ပါဘူးဘရား။ ဒီမိုကရေစီနဲ့ ဆန္ဒပြမှုဆိုတာ ဒွန်တွဲနေရတဲ့သဘောပါ။ ဒီမိုကရေစီစနစ်ကို ကျင့်သုံးတဲ့နိုင်ငံမှာ ဆန္ဒပြတောင်ဆိုမှုတွေ မရှိဘူးဆိုရင် အဲဒီ နိုင်ငံဟာ ဒီမိုကရေစီ ဆိုက်သုန်းပျက်စီးသွားတဲ့နိုင်ငံပဲဘုရား။ ကမ္ဘာ တဝှမ်းမှာ နေ့တိုင်း အချိန်တိုင်း လူတွေဟာ တစ်ခုခုကြောင့် အမြဲတမ်း ဆန္ဒပြတောင်းဆိုနေကြရတာပါ။
အောက်ပါ စာရွက်ပါအစီစဉ်အတိုင်း ငြိမ်းချမ်းရေးအတွက် ဆန္ဒပြတောင်းဆိုပွဲကိုပြုလုပ်ကျင်းပသွားမည်ဖြစ်သည်။
ဆန္ဒပြရန် နေ့ရက်- 16.May.206
အချိန်- မနက် ၈ နာရီ ၃၀ မှ ၉ နာရီထိ ( နာရီဝက်သာ)
လူစုရန်နေရာ- မြေစာရင်းရုံးရှေ့
နောက်ဆုံး ဟောပြောရန်နေရာ- ဓာတ်ပေါင်းစု စေတီ
Data information = မြတန်ဆောင်း ဆရာတော်