"ငါ့အိမ်ငါ့နီရာ ငါပြန်လားချင်ရေ"

 Dr.ညိုထွန်းအောင်
မေလ (၉) ရက် ၊တနလာင်္နိ၊ ၂၀၁၆ ခုနှစ်။
နိခင်းသား ၁၂ နာရီ ၀၇ မိနစ်။

 

အငိုနန့်စလို့ အငိုနန့်ဆုံးရေဘဝမှာ
အရယ်အပြုံးအပျော်ရသတိထက်
အငိုကို ပြိုဆင်းစီဖို့
တစ်နိတစ်မျိုး မရိုးလားအောင်
လက်နက်ကြီးနန့်ထပ်ထုနီတုန်း
အနိစ္စသဘောမရောက်ရအောင်
ငါ့ကိုယ်ငါတရားမှတ်နီရေ။

ငါရို့ တိမျက်ရည်မပေါ
ရိုးသားရေတောင်သူတိရာ
မဆလာပေါက်ပေါက်နန့်ဟင်းတစ်ခွက်အစား
ဆာလဖာကိုသောကနန့်ဖြူးစားနီရလို့
ရွာဦးကျောင်းရီကန်ထဲကရီတိပယှောင်
ငါ့မျက်ကွင်းဟောက်ပက်မျက်လုံးထဲ
ပူဆွီးမျက်ရည်တိခန်းခြောက်လာရေ။

ငါရို့ တစ်နိပြီးတစ်နိ
အာဃာတကိုချက်စားကြယင်း
မမြင်ချင် မကြားချင် မတွိချင်
စစ်အနိဌာရုံဇာတ်လမ်းတိက
ဒါရိုက်တာမလို မင်းသားမလို
မင်းသမီးမလို ဇာတ်ပို့မလို ဇာတ်ရံမလို
တစ်ယောက်လေ့မလိုဘဲ
တစ်ကားပြီးတစ်ကားထွက်လာရေ။

ငြိမ်းချမ်းရီးက မျက်စပစ်ပြနီကေလေ့
မျက်စိစပါးမွှီးစူး ယင်းကလေတိရဲ့
ယင်းပိုင်အပြောက
ကိုယ်ချင်းစာတရားနတ္ထိဆိုစွာ
ငါ့မြေးချေ မေးကေတောင်သိနိုင်ရေ။

၂၀၁၆ ဗားရှင်းအသစ်နန့်
ပုံစံပြောင်းထားကေရေဆိုကေလေ့
မျှော်လင့်ချက်က Upgrade မဖြစ်သိမ့်ရေခါ
ငြိမ်းချမ်းရီးက V1 ဆိုကေ
အမျိုးသားရင်ကြားစိရီးက V2 လို့ပြောရဖို့။

တိုက်ပွဲတိကြောင့်
ငါ့အသွီးအသားတိနိုးထစီရေ
ရခိုင်တိစည်းလုံးလားစီရေဆိုကေလေ့
ဓာတ်ကူပစ္စည်းတိမှားနီရေအခါ
လိုချင်ရေ ရလာဒ်ကမထွက်နိုင်သိမ့်လို့
ငါ့သား--ဆက်ရာတိုက်။

ဆန္ဒဇာပိုင်ထုတ်ဖော်ထုတ်ဖော်
အာပေါက်အောင်ဇာလောက်ပြောပြော
ယင်းသူရို့  မသိကွန်ဆောင်ထားရေ
ကိုယ်ချင်းစာတရားပြည့်စီဖို့
ထန်းတောကို ယမ်းမြီသြဇာကျွေးပြီးခါမှ
ငါ့အိမ်ငါပြန်ရောက်ဖို့ ငါယုံရေ။



မူရင်းဓာတ်ပုံပိုင်ရှင်အား ခရက်ဒစ်ပီးပါရေ။