ဝေသာလီ ရွှီနန်းက သဇင်ပန်းတစ်ပွင့်၏ရှိုက်သံ
သုဝဏ္ဏဒေဝီ ၏ တမ်းခြင်း
(သို့မဟုတ်>
ဝေသာလီ ရွှီနန်းက သဇင်ပန်းတစ်ပွင့်၏ရှိုက်သံ
 |
| ရွှေလာ ဆရာမ |
မတတ်သာလို့ ဆိုရပါဖို့လား ကံကြမ္မာကိုလည်း ရိုးမယ်မဖွဲ့ချင်ပါဗျာလ် မောင်တော်
ယင်းနိန့်က စစ်ဝတ်တန်ဆာနန့် ရောက်ဟိလာရေ မောင်တော့်မျက်ဝန်းက သံယောဇိုင်နှုတ်ဆက်ခန်းတိစွာ နှမတော်အတွက်လွမ်းစရာဖြစ်ကျန်လိုက်ရပါဗျာလ်…
တက်နိန်တုန်း နိုင်ငံတော်နန့် နှမတော်ရို့လူမျိုးတစ်ခုလုံးအတွက် ခံစားချက်ကိုဘေးမှာထားဗျာလ် အန္တရာယ်ကိုကြိုတင်ကာကွယ်ဖို့ ဆုံးဖြတ်လိုက်တေ မောင်တော်၏တာဝန်ယူမှုကို နှမတော် ဝမ်းသာဂုဏ်ပြုလျက်ပါ……
**နှလုံးသားနန့် တာဝန်ကိုတကန့်စီထားလို့ ဆိုးဝါးရေ လီလှိုင်းတိကြားမှာ ယူဇနာပေါင်းများစွာကို ဖြတ်ကျော်ချီတက်လားရေ ဒေခရီးစိုင်စွာ အပျော်မဟုတ်မှန်းလည်း နှမတော်နားလည်ပါရေ……
**ယေကေလည်းမောင်တော် နှမတော်ရို့ခွဲခွာချိန် ဒေလောက်ကြာမြင့်ခလိမေလို့ နှမတော်မထင်မိခစွာအမှန်ပါ……
**အုံ့ဆိုင်းနိန်ရေ မိုးရာသီမှာ မိုးရိပ်သျှေတိအံ့မှိုင်းလာတိုင်း မျက်ရည်စိုရရေပိုင် လျှပ်ပြက်မိုးကြိုးသံကြားတိုင်းလည်း နှမတော်၏လက်ဖျားချေတိကိုဆုပ်ကိုင်အားပီးတတ်တေ
မောင်တော့်ကိုတမ်းတလို့………
**ခဝဲပွင့်ရေကာလမှာ မြောက်လီအီးနန့် အတူ နှင်းမြူချေတိကြားက တည်ကြည်ပြတ်သားရေ မောင်တော့်မျက်နှာကိုမြင်ယောင်မိယင့်………
** တောင်လီဂယက်ကြောင့် ရွင့်ထွက်လားရေ ရွက်ဝါသျှေတိကြားမှာ အကြင်နာနှလုံးနန့် မောင်တော့် အပြုံး မဆုံးတမ်း လွမ်းနိန်ရတုန်းပါမောင်တော်………
**ထို အပင်ထိပ်ဖျားမာတစာစာအသံပီးလို့ အစာခွံ့ကျွေးပြီးကေ နသီးသျှေထိုးကစပ် အားရကြေနပ်နိန်ကတ်တေ ငှက်မောင်နှံသျှေရို့ကို မြင်တိုင်းလည်း ရင်မာထိရှ အကြင်နာပီးခရေ မောင်တော်၏ ယုယမှုတိကို ပဇောင်ပိုင် မိန့်နိုင်ပါဖို့လဲ ………
**စံဂပန်းတိ သုံးကြိမ်ပွင့်လို့ သုံးနှစ်တောင် ကြာလားပါဗျာယ်ကား နှမတော်ပါးကို စာသျှေတစ်ရွက်တောင် ရွီးပို့ဖို့ အချိန်မရနိုင်ပါလားလို့ အားငယ်ဝမ်းနည်းမိပါရေ မောင်တော်……
**ရခိုင့်နိုင်ငံတော်အတွက် ခိုင်ခံ့ရေအင်ပါယာတစ်ခုဖြစ်လာဖို့ ကြိုးစားဆောင်ရွက်နိန်ရေအချိန်မာ အမျိုးသီလကို စောင့်သိရေ အစိုင်အလာရို့ကြောင့် ဘာသာမတူ အယူခြားနားရေ အနောက်သူရတန်သူရို့၏မာယာညွတ်ကွင်းမာ မောင်တော်သက်ဆင်းနိန်စွာ မဟုတ်မှန်လည်း နှမတော်ယုံကြည်ပြီးသားပါယာ………
**ယေဒါလည်း မ မချေတစ်ယောက်၏နှလုံးသားကလာရေချစ်သံယောဇဉ်တိကို မောင်တော် တစ်ဖေ့ချေလောက် နားလည်ပီးသင့်ပါရေ……
**မပြောင်းလဲရေ မိတ္တာ၊မြတ်နိုးစွာသိမ်းထားရေသစ္စာတရားတိနန့် အထီးကျန်စွာပစ်ထားခံရရေ နှမတော်ဘဝကိုသတိရတမ်းတ တစ်ချက်ချေလောက်ပင် မောင်တော် မြင်ယောင်မိပါယင့်လား …………
**ရာသီစက်ဝန်းတိ မနားတမ်းလည်ပတ်နိန်ရေပိုင် အဆုံးမသတ်နိုင်ရေ အလွမ်းဓာတ်ခံတိကြားက ခံစားချက်ကို ဖွင့်မပြောပါဗျာယ်လို့ ဟန်ဆောင်မာန်တင်းထားကေလည်း အသည်းမမာနိုင်သိမ်းရေ နှမတော်၏နှလုံးသားက အခိုးအငွိ့တိစွာ မျက်ဝန်းမာလျှံကျ ထာဝရမိုးရာသီ ဖြစ်နိန်ရပါဗျာယ် မောင်တော်……
**အလွမ်းတိရာ ပန်းဖြစ်ခဖို့ဆိုကေ ဝီဆာနိန်ရေ ဝေသာလီပြည်က ပန်းတိစွာ နှမတော်၏ မျက်ရည်တိ ဖြစ်လီပါဖို့ သူရို့၏ရနံ့က နှမတော်၏ ရှိုက်သံတိပါ မောင်တော် ………
**ချစ်သူတိုင်းအတွက် သောကဝေဒနာ အချိန်ကြာမခံစားရစီကြောင်း ကိုယ်ချင်းစာ ဆုတောင်းပီးပါရေ………
**သဇင်ပွင့်ချိန်နန့်အတူ သံဃာယနာတင်ပွဲလည်း ဗြီးဖို့ နီးလာပါဗျာယ် အကြင်နာလက်ကမ်း ရွှီတောင်ကုန်းထက်မာ ပန္နက်အတူ ဆုတောင်းယူဖို့ ကြည်ဖြူစွာ ရောက်လာနိုင်ပါစီလို့ ဝေသာလီဆုတောင်းပြည့်ဘုရားမာ နိန့်စိုင် ကောင်းမှုပြုလျက်ပါ မောင်တော်……
**မတတ်သာလို့ဆိုရပါဖို့လား ကံကြမ္မာကိုလည်း ရိုးမယ်မဖွဲ့ချင်ပါဗျာယ် နှမတော်နှလုံးသားနန့်ရင်းလို့ရေးလိုက်ရရေ "သိန်၊တန်၊မိန်တွင်" ကဗျာသုံးပုဒ်ကို မောင်တော် ဖတ်နိန်ရေအချိန်မာ ဝေသာလီရွှီနန်းထက်က ချစ်နှမ၏ လွမ်းရက်တိကို ငဲ့ကွက် မြင်ယောင်ပနာ မကြာခင်ပြန်လာလိမယ်လို့ မျက်ရည်စက်တိနန့် တမ်းတမျှော်လင့်နိန်ပါယင့် မောင်တော်………
**အထီးကျန်သန်းခေါင်ယံက နှမတော်၏ရှိုက်သံနန့်အတူ
မောင်တော့်နှလုံးသားပန်းများပွင့်ပါစီ…………
အလွမ်းများစွာဖြင့်~~
ချစ်နှမ"စောပြည့်ညို"
ဝေသာလီကျောက်ဂလှမြို့
ရခိုင့်နိုင်ငံတော်
(သက္ကရာဇ် . ၅၅၉ . အေဒီ . ၆၃၉ ခု)
ကိုလင်းလက်၏ post မှတစ်ဆင့် ကူးယူဖော်ပြပါသည်။်
Leave a Comment