ကျီးကန်းမျိုးချစ်

ကျီးကန်းမျိုးချစ်နန့် အလုပ်မဖြစ်။
Kularakkhita
7.April.2015
ကျီးကန်းမျိုးချစ်ဆိုစွာ ဒေအတိုင်း တတူ နိန်ကတ်တေခါ တစ်ခုလည်းမဖြစ်။
ပြဿနာ တစ်ခုဖြစ်လာကေ အားလုံးဝိုင်းပနာ ခံချဖို့ပိုင် ဟန်ပန်တိနန့်
အမှန်လက်တွိမှာတော့ခါ လချဝါ။
အစားအသောက်နန့်ပါတ်သက်လာကေ မျိုးချစ်ကတ်တေ ကျီးကန်းတိစွာ တစ်ကောင်
ကို တစ်ကောင်အသားစားမတတ် ထိုးကတ်တေ။ ကိုက်တတ်ကတ်တေ။
ယင်းပိုင်ဗျာယ်၊ ငရို့တိမှာလည်း တွိနိန်ရရေ။

 ပြဿနာက ကိုယ်ရို့တိမှာ မစည်းလုံးခြင်းဆိုစွာ အားလုံးနားလည်သဘော
ပေါက်ထားပြီးဖြစ်ပါရေ။
ငရို့တိမှာ ဒေအတိုင်း ထမင်းစား ရီသောက်တတူနိန်လို့ ပပြောဆိုဆိုနန့်ဆိုကေ
ကကောင်းအဆင်ပြေရေ ညီအစ်ကိုတိ မောင်နှမတိပိုင်ယာ။
အေး..ပြဿနာ ဇာမှာလားလို့ တွိဂတ်ရလဲဆိုကေ မဏ္ဍတိုင်ကိုတက်ပြရဖို့
ဆိုရေခါ စလို့တွိရပါရေ။

my villagers

တောင်ရှည်မ၀တ်တတ်ဘဲ မင်းသားလုပ်ချင်ရေ လူတိကများပါရေ။
နိန်ရာနန့်ပါတိသက်လာရေခါ ရခိုင်သားရို့အဆက်ဆက် ကကောင်းမက်ဂတ်
တေလို့မြင်ပါရေ။ ဒေအတိုင်း အီးအီးချမ်းချမ်းနိန်ရေခါ ခေါင်းကိုပုတ်ကေ
လည်းရရေ။ ဖင်ပွလားကေလည်း okရေအမျိုး။ အေး ရာထူး နိန်ရာ ဌာနန္တရ
နန့်ပါတ်သက်လာရေခါ အဘိုး အဘ မပြောကေ့ ရွာက ဘုန်းကြီးကိုလည်း
လူမထင်ရေအဖြိုတ်မျိုး။
ဆက်စပ်မိလို့ တစ်ခုပြောပါမေကား။
ဝန်ထမ်းဆိုစွာ အရည်အချင်းဟိဖို့လိုပါရေ။ ဇာအတွက်လဲလို့ဆိုကေ
အများတိကိုယ်စား အားလုံးလူတိကိုယ်စားပြုလို့လုပ်နိန်ရရေအတွက်
အများဝန်ကိုထမ်းရေ လူစွာ ကိုယ်စွမ်းအား ဉာဏ်စွမ်းအားဟိဖို့လိုပါရေ။
အေး ယင်းပိုင်မဟိဘဲ.. ၀န်ထမ်းလုပ်မှ ထမင်းနပ်မှန်ဖို့လို့ဆိုကေတော့ခါ
လုံးဝမလုပ်လီပါကေ့။ ဇာလို့ဆိုကေ ယင်းလူကြောင့် နောက်လူတိ ဒုက္ခတိ
ရောက်လားဖို့ဖြစ်တေအတွက်ဖြစ်ပါရေ။
ဒီမိုကရေစီ ၏သဘောထားဝါဒအရ ၀န်ထမ်းဆိုစွာ ပြည်သူ၏ ကျေးကျွန်
အလုပ်အကျွေးယာဖြစ်တေ။
သူကောင်းစား လရတတ်မဟုတ်။ အေး အများအတွက် ငါတိ စွမ်းဆောင်ပီး
နိုင်ဖို့လဲ အရင်စီမံကိန်းချကြည့်။ လုပ်နိုင်ဖို့များလား နည်းလား နောက်လူတိနန့်
ချိန်ထိုးကြည့်။ တကယ်လို့ယာ များနိန်ရေဆိုကေတော့ခါလုပ်ပါ။
ယင်းပိုင်မဟုတ်ဘဲ ငါ့ ပါဝါအတွက် ငါအာဏာရရေးအတွက်ဆိုကေတော့ခါ
တစ်ခါလည်းမလုပ်လီကေ့။ ကိုယ်တည်းတစ်ယောက် ကောင်းစားဖို့
နောက်လူတိကို မညှင်းပန်းကေ့၊ မကဲ့ရဲကေ့။ ladies and gentlemen ဆို
စွာ တိုက်ပုံသန့်သန့်ဝတ်လို့ စားကောင်းသောက်ဖွယ်နန့်လူတိကိုခေါ်စွာမဟုတ်။
အများအတွက် ကိုယ်ကျိုးစွန့်ရေ လူ၊ တွေးလိုက်တိုင်း ကြံလိုက်တိုင်း အများအတွက်တွေး ကြံရေ လူကိုခေါ်စွာဖြစ်တေ။
ယင်းကြောင့် ပါးစပ် စည်းရုံးရေး ဟန်ပြစည်းရုံးရေးနန့် ရခိုင်လူထုတိ
လိုချင်နိန်ရေ ပန်းတိုင်ကို ဇာခါလည်းရောက်လိမ့်မေမဟုတ်။
ပါးစပ်ပြောသည် လက်တွိပြောဖြစ်ရဖို့။
သမ္မတ ရာထူးကို ငါလည်းလိုချင်ပါရေ လို့ပြောရင်း အဆုံးသတ်ပါမေ။
အကောင်းဆုံးကိုမျှော်လင့်ယင်း