ငရို့ဗိုလ်ချုပ်နန့် သူ၏ချစ်စရာစိတ်ထား

သာလီစွပါ ရခိုင်သားရို့

18/April/2016
ငရို့ဗိုလ်ချုပ်နန့် သူ၏ချစ်စရာစိတ်ထား
လက်တွိ မျက်မြင်တွိ ဖြစ်ရပ်ချေ တစ်ခုကို ပြောပြချင်ပါရေ။

မနှစ်က ဒီဇင်ဘာလ ၃၁ ရက္ခိုင်အချုပ်အာဏာကျရှုံးခြင်း ၂၃၀ ပြည့်က
ဘန်ခ်ျလုံး ဘုန်းကြီးကျောင်းဝန်းမှာ ပြုလုပ်ကျင်းပရေနိ့က ဗိုလ်ချုပ်နန့်
ရခိုင်ပြည်ထဲက နိုင်ငံရေးခေါင်းဆောင်အချို့လည်းရောက်ခ့ဂတ်ပါရေ။
ယင်းမှာ ဗိုလ်ချုပ်မလာခင် ငရို့ ဘုန်းကြီးတိ စောလို့ ဗိုလ်ချုပ်အလာကို စောင့်ကြိုနိန်ဂတ်တေ ရက္ခိုင့်လူထုကြီး၏ရှေ့က လမ်းလျှောက်ခ့ရလို့ ငါ့မှာ ကြက်သီးတိ တဖြန်းဖြန်းထလို့ ဝမ်းသာ ဝမ်းနည်းမဆုံးရေ ခံစားချက်တိ ရင်ထဲမှာ ဒေဂုထိ ကိန်းအောင်းနိန်ပါရေ။

ကျောင်းဝန်းတစ်ခုလုံးမှာ ပြည့်ကြပ်နိန်ရေ လူထု၏ တစ်ပြိုင်းတည်းထွက်ပေါ်လာရေအသံကား " ဗိုလ်ချုပ် ကျမ္မာပါဇီ..ဗိုလ်ချုပ် ကျမ္မာပါဇီ" ဖြစ်ပါရေ။

ဗိုလ်ချုပ် အလှည့်ရောက်လို့ ဗိုလ်ချုပ် မိန့်ခွန်းပြောဖို့ stage စင်ထက်ကို တက်လိုက်စွာနန့် လူအုပ်တိစွာ ဓာတ်ပုံတိ တဖြန်းဖြန်း ရိုက်ပလိုက်ဂတ်စွာ နေတိုးမျက်ရည်ကျလောက်တေ။ ယေခါ ဗိုလ်ချုပ်စွာရေ စကားမပြောခင် လူထုကိုအကဲခတ်လို့ ရင်ဘနန့် ခံစာလိုက်တေလို့ ထင်ပါရေ။ တစ်ချို့တိစွာ ထိုင်ဖို့နိန်ရာမရလို့ မတ်တပ်ရပ်ပနာ မိန်းခွန်းတိ ဟောပြောချက်တိကိုနားထောင်နိန်စွာ နှစ်နာရီလောက်ကြာလားခပါဗျာယ်။ ယင်းကြောင့် ဗိုလ်ချုပ်စွာ ယင်းမတ်တပ်ရပ်နိန်ရေ ရခိုင်သူ/သားတိ၏ ရင်ဘထဲကို ဝင်ပနာခံစားပြီးကေ ပြောလိုက်တေစကား ငါ့အတွက်တော့ခါ ဗိုလ်ချုပ်ကို လေးစားပြီးရင်း လေးစားရင်းပါဗျာယ်။
ဒေချင့်မှာ ဦးဇင်းမှတ်မိသလောက် ပြောပြပါမေ အားလုံးကတော့ခါ အတိအကျမဖြစ်နိုင်ပါ။

" ထို..နောက်ဘက်က ဘေးက ရပ်နိန်ဂတ်တေ လူတိလည်း ညောင်းနိန်ဂတ်ဗျာယ်..ထိုင်နိန်ဂတ်တေ လူတိလည်း ဖင်ပူ လို့ ညောင်းနိန်လောက်ယာ၊ ယင်းကြောင့် ထိုင်နိန်ရေ လူတိ တလှည့်ထပြီးကေ ထနိန်ရေ လူတိ တနားထိုင်ယင်းအညောင်းဖြေဂတ်ပါမေ" ဆိုပြီးကေ ထိုင်နိန်ရေ လူတိကို နိန်ရာက ဖယ်ပီးဂတ်ဖို့ တောင်းဆိုလိုက်ပါရေ။ ထိုင်နိန်ဂတ်တေ လူငယ် လူရွယ် လူစုတိစွာလည်း မဆိုင်းမရွ ဗြုန်းဆိုထဂတ်ပြီးကေ နိန်ရာပီးဂတ်ပါရေ။

ယင်းနောက် ဗိုလ်ချုပ်စွာ လူထုကိုကျေးဇူးတင်စကားဆိုပြီးကေ သူ၏ မိန့်ခွန်းကို ပြုံးရွှင်စွာနန့် ပြောလားခ့ပါရေ။
ဒေချင့်မှာ ဇာကိုဆိုလိုလဲဆိုကေ ဦးဇင်း နားလည်သလောက် ဗိုလ်ချုပ်၏ ကိုယ်ချင်းစာတရားတိ၏ နက်ရှိုင်းမှု၊ စီမံခန့်ခွဲမှု၏ ကျွမ်းကျင်ခြင်း၊တိကိုထပ်ဟပ်စီပါရေ။
နောက်တစ်ချက်တွိလိုက်ရစွာက ရခိုင်သူ/သားတိစွာလည်း ဗိုလ်ချုပ်၏ စီမံခန့်ခွဲမှုကို လိုက်နာဖို့အဆင်သင့်ဖြစ်နိန်ဗျာယ်ဝါးဆိုစွာတိကိုမီးမှောင်းထိုးပြနိန်ခြင်း ဖြစ်ပါရေ။