ကြောက်ကေ နောက်ဆုတ်

  ကြောက်တေ လူတိနောက်ဆုတ်ပါ။
ငြို့တိလွတ်လပ်တေ နိုင်ငံအဖြိုက် ကြေငြာပြီးကေ
ရပ်တည်ဖို့အဆင်သင့်ဗျာယ်။

 27.March.2015

ဒေါက်တာ အေးမောင် (ANP ဥက္ကဋ္ဌ) ပြောစွာကို လုံးဝထောက်ခံရေ။
ANP ရခိုင့်အမျိုးသားပါတီ၊ ရခိုင်လူထု တစ်ရပ်လုံးကို ကိုယ်စားပြုထားရေ
ပါတီတစ်ရပ်အနိန်နန့် ရခိုင်ပြည်၏ အရေးအရာတိကို စီမံခန့်ခွဲဖို့

ဝန်ကြီးချုပ်သည် ရခိုင်အမျိုးသားပါတီက ရခိုင်သားယာ ဖြစ်ရဖို့ဆိုစွာမှာ
ဇာတစ်ခုမှားစွာပါလို့လဲ။

Dr. Aye Mg

Arakan Army

ရခိုင်တပြည်လုံးအနှံ့အပြား တောင်ပြို ကမ်းပြို မဲပီးလို့
အာဏာပီးအပ်ခံထားရရေ အမျိုးသားပါတီတစ်ရပ်အနိန်နန့်
ဝန်ကြီးချုပ်လောက်ကို တောင်းစွာ နည်းတောင်နည်းသိမ့်ရေ။
ပြည်ထောင်စုလို့ ပြောရေ မြန်မာ့အာဏာသျှင် လက်အောက်ခံမနိန်ဘဲ
ခွဲထွက်တေလို့တောင် ကြေငြာသင့်စွာ။
ငြို့ ရခိုင်စွာ ကိုယ်ပိုင် နိုင်ငံနယ်နိမိတ်နန့် ကိုယ်ပိုင်ယဉ်ကျေးမှု စာပီ သမိုင်း
တိနန့် နှစ်ပေါင်းထောင်ချီနိန်လာရေ လူမျိုးဆိုစွာ မမိန့်လီကေ့။
ငြို့တိ ထီးနန်းကျလားစွာ ဇာလောက်လဲကြာစွာမဟုတ်သိမ့် ဒေဂုထိ
နန်းရာကုန်းလည်း ဟိသိမ့်ရေ၊ မြောက်ဦးမြို့လည်း ဟိနိန်သိမ့်ယေ။
မဟာမြတ်မုနိလည်း သက်သီထူလို့ ဟိနိန်သိမ့်ယေ။ ငြို့တိ
အသွီးအသားတိထဲမှာ ဘုရင် မင်းဘာကြီး စန္ဒသူရိယ အစဟိရေ မင်းသွီးတိ
ကိန်းဝပ်တုန်းဟိသိမ့်ရေ။
ဇာကိုကြောက်နိန်လဲ ရခိုင်တိုင်းက ကိုယ့်အမျိုးသားလက္ခဏာနန့်
ကိုယ့်အာဏာနန့်ကိုယ် နိန်ချင်ရေဆိုစွာ တောင်ပြိုကမ်းပြိုနိုင်ထားရေ
မဲပြားတိက သက်သီခံနိန်ရေ။
ဂုဆိုကေ ငြို့တိမှာ ရက္ခိုင့်တပ်မတော် တစ်ရပ်လည်း အင်အားအပြည့်နန့်
ရက္ခိုင့်မြီမှာ အခြီစိုက်လို့ ရက္ခိုင်ရို့ အသက်အိုးအိမ်လုံခြုံရီးအတွက်
တာဝန်ယူဖို့ အဆင်သင့်ဟိနိန်ဗျာယ်။
ယင်းကြောင့် ကြောက်တေ လူတိနောက်ဆုတ်ပါ။
ငြို့တိလွတ်လပ်တေ နိုင်ငံအဖြိုက် ကြေငြာပြီးကေ
ရပ်တည်ဖို့အဆင်သင့်ဗျာယ်။