ရဲဘော်ရို‬့  ကျည်ဆံကုန်လားခကေလေ့ သတ္တိမကုန်လားဖို့လိုရေ

  ဒေါင်းရန်သွီး
  9.June.2016

#‎ရဲဘော်ရို‬့  ကျည်ဆံကုန်လားခကေလေ့ သတ္တိမကုန်လားဖို့လိုရေ။
သတ္တိဟိကေအားလုံးကိုလုပ်လို့ရရေ။

ဗိုလ်ချုပ်ထွန်းမြတ်နိုင် (ရက္ခိုင့်တပ်မတော်)
လွတ်လပ်ရီးကို လိုချင်ရေ ကျွန်နော်ရို့ ဇာတာဝန်ကို ယူပါဖို့လဲ။
တဗျင်းအရေးကြီးရေ မိန်းခွန်းပါ။ လွတ်လပ်ရေးကို ရယူဖို့အတွက်
အင်အားကြီးရေ၊ ခိုင်မာကျစ်လစ်ရေ တပ်မဟာကြီးတစ်ခုလိုအပ်ရေ
ဆိုစွာ အမျိုးရို့အားလုံး သိပြီးသား ဖြစ်တေ။ 

ဆုံးယှုံးနိန်ရေ အာဏာကို ပြန်ရယူဖို့ တည်ဆောက်နိန်ရေ ကျွန်နော်ရို့
ရက္ခိုင့်တပ်မတော်စွာယေ ၇ နှစ်ဆိုရေ အချိန်ကာလတို တစ်ခုမှာ တပ်မတော်သား
 ရဲဘော် ရဲဘက်တိလည်း အတော်အသင့် များပါလတ်ဗျာယ် ဖြစ်တေ။

သို့သော်လည်း ကျွန်နော်ရို့ ရင်ဆိုင်တိုက်ခိုက်ရဖို့ ရန်သူ့တပ်မတော် စစ်သည်အင်အားနန့် နှိုင်းစာကေတော့ခါ တဗျင်းနည်းနိန်ပါသိမ့်ရေ။

တပ်သားအင်အား နည်းသည်များသည်ကို ကျွန်နော်ရို့ ဗိုလ်ချုပ်က ကကောင်းထည့်တွက်စွာတော့ခါမဟုတ်။ ယကေလေ့ အတိုင်းအတာ
တစ်ခုထိတော့ခါ မရှိမဖြစ်လိုအပ်တေ။

ရက္ခိုင့်တပ်မတော်မှာ လက်နက်ကိုင် တပ်သားအင်အား အယောက် (၃၀၀၀၀)
သုံးသောင်းလောက်ဆိုကေ (၄၀၀၀၀၀) လေးသိန်းကျော်ရှိနိန်ရေ ရန်သူ့တပ်ကို
 ထိမ်းချုပ်ပလိုက်လို့ ရရေလို့
မကြာသိမ့်ရေ အချိန်ကာလတစ်ခုက အစည်းအဝေးတစ်ခုမှာ
 မိဘပြည်သူရို့ကို ဗိုလ်ချုပ်မိန့်ခွန်းမှာ ထည့်ပြောခပါရေ။

ကျွန်နော်ရို့မှာ စစ်မြီပြင်မှာ တိုက်ခိုက်ဖို့ ရဲဘော်အင်အားလိုရေ၊
ယင်းရဲဘော်တိ စားဖို့သောက်ဖို့၊ ဝတ်ဖို့အတွက် ရိက္ခာလိုရေ။

ယင်းရဲဘော်တိ ကိုင်ထားရေ သေနပ်က ကျည်ထွက်ဖို့ ကျည်လိုရေ။
ပြီးကေ နည်းဗျူဟာဆိုင်ရာချမှတ်ပီးနိုင်ဖို့ ပညာရှင် အင်အားစုလိုရေ။
ကျွန်နော်ရို့ ကမ္ဘာ့စာမျက်နှာမှာ အပုတ်ချခံမဖြစ်ဖို့ ကျွန်နော်ရို့ လုပ်ရပ်တိ
တရားကြောင်း မှန်ကန်ကြောင်း ချပြပီးဖို့ သတင်းမီဒီယာ ပညာရှင်တိလိုရေ။
ကျွန်နော်ရို့ ကမ္ဘာ့စင်မြင့်ထက်မှာ ရခိုင်ဆိုစွာ ဇာလဲ ဇာကြောင့် လက်နက်ကိုင်
 တော်လှန်နိန်ရလဲဆိုစွာ ချပြဖို့ သမိုင်းပညာရှင် ဥပဒေပညာရှင်တိလိုရေ။
နောက်ဆုံး ဇာအနိန်အထားမှာ ဖြစ်ဖြစ် ရက္ခိုင့်တပ်မတော်သည် ရက္ခိုင်ပြည်နန့် ရက္ခိုင့် လူမျိုးလွတ်မြောက်ရေးအတွက် ဖြစ်ကြောင်း ထောက်ခံနိန်ဖို့ ကျွန်နော်ရို့ ရက္ခိုင်တမျိုးသားလုံးကိုလိုအပ်တေ။

ယကေ ကျွန်နော်ရို့ အမျိုးတိ စိုင်းစားကြည့်ကတ်ပါ။
ဇာတာဝန်ကို ယူပါဖို့လဲ။ လွတ်လပ်ရေးဆိုရေ ဂုဏ်ပုဒ်နန့်ထိုက်တန်ရေ
တာဝန်ကိုတော့ခါ ကိုယ်စီကိုယ်စိ ယူကတ်ရဖို့ ဖြစ်ပါရေ။

ဗိုလ်ချုပ်ပြောရေ စကားကို အဓိပ္ပါယ်ကောက်ကြည့်ကေ ကျွန်နော်ရို့မှာ ရဲဘော်အင်အားလည်း အထိုက်အလျောက်ဟိနိန်ဗျာယ်ဖြစ်ကေလည်း ကျည်အင်အားနည်းနိန်သိမ့်ယေလို့ အဓိပ္ပါယ်ရပါယေ။
ကျည်ဝယ်ဖို့ဖေ့သာလိုပါရေ။ ယင်းကျည်တိစွာယေ လွတ်လပ်ရေးကို ဖော်ဆောင်ပီးပါရေ။

မော်စီတုန်းစကားနန့်ပြောရေကေ လွတ်လပ်ရေးဆိုစွာယေ သေနပ်ပြောင်းဝမှာ ဟိပါရေလတ်။

တော်လှန်ရေးဆိုစွာယေ မဖြစ်နိုင်လို့ အများက ယူဆထားရေအရာကို ဖြစ်အောင် လုပ်စွာကို တော်လှန်ရေးလို့ခေါ်ပါရေ။