AA‬ အေအေကိုဝင်ဖို့ဇာပိုင်ဆက်သွယ်ရပါဖို့လဲ

မိန်းခွန်း (၁)
#‪#‎AA‬ အေအေကိုဝင်ဖို့ဇာပိုင်ဆက်သွယ်ရပါဖို့လဲ##

 Dr.ညိုထွန်းအောင် (General deputy of ArakaN Army)
07.06.2016 Tuesday.

photo credit: Original uploader

အေမိန်းခွန်းရေ လွယ်ရေပိုင် ခက်ခဲရေမိန်းခွန်းလေ့ ဖြစ်တေ။ လွယ်ရေဆိုစွာက အဂုလက်ဟိအေအေ AA မှာတာဝန်ထမ်းဆောင်နီကတ်တေ စစ်သည်တော်တိရေ အေအေ၏ စစ်ဒေသအသီးသီး တည် ရှိရာပတ်ဝန်းကျင် အသီးသီးကနီဇာသူ တစ်ဦးတစ်ယောက်၏ တိုက်တွန်းချက်ကြောင့် ရောက်ဟိ လာစွာမျိုးမဟုတ်ဘဲ ကိုယ့်သဘောနန့်ကိုယ်တိုင်း ပြည်နန့်လူမျိုးအတွက် တာဝန်ထမ်းဆောင်ဖို့ အလွယ်တကူရောက်ဟိလာကတ်ခြင်းဖြစ်တေ။

ခက်ခဲရေဆိုစွာက အဂုလက်ဟိအေအေ AA ကို လာချင်ရေ ရဲဘော်သစ်တိ၊ လာဖို့ကြိုးစားကေလေ့ အကြောင်းတစ်ခုကြောင့် မရောက်လာနိုင်သိမ့်ရေအေအေ AA စစ်သည်တော်ဖြစ်ချင်စိတ် ပြင်းထန်ရေ ရဲဘော်သစ်တိအဖို့လားချင်ကေလေ့ မရောက်နိုင်သိမ့်ရေ အခြီနီကိုဆိုလိုခြင်းဖြစ်တေ။
ယေဇုနန့် အေအေ AA ကိုလာချင်ကေ အနီးချေမှာ ဆိုရေပိုင် မလာချင်ကေလေ့ အနီးချေမှာပါရာလို့ ပြောချင်ရေ။ အေအေ AA ကိုလာဖို့ အမှန်ဆို ယင်းလောက်မခက်။ အလွယ်ချေပါရာလို့ ပြောချင်ပါရေ။
အေအေAA စစ်သားမဖြစ်ရဖို့ကိုမပူပါကေ့။ ဖြစ်ချင်ရေ ဆန္ဒဟိရေလူတိအတွက် လုံးဝဖြစ်ရဖို့ဆိုရေ သန္နိဌာန်ခိုင်မြဲကေ တစ်ရက်ဖြစ်လာပါလိမ့်မယ်။
အေအေAA အနီနန့်လည်း အရွယ်ရောက်ရေရခိုင်လူမျိုးတိုင်း Conscription Law စစ်မှုတာဝန်ကို တစ်အိမ်တစ်ယောက်ကျမဖြစ်မနီထမ်းဆောင်ရဖို့ ဆိုရေကိစ္စကို ဥပဒေ တစ်ခုအနီနန့် လောလော ဆယ်မပြဌာန်းသိမ့်ကေလေ့ နဂိုအတိုင်း ကိုယ့်သဘောနန့်ကိုယ် စစ်မှုတာ ဝန်ထမ်းဆောင်ဖို့ ကိုအလီးပီးလို့ ဆောင်ရွက်နီရေ။
ပြောမှသိရေ၊ ပြဌာန်းမှလုပ်ရေ ဆိုရေအမျိုးထက် မပြောဘဲနန့်သိရေ ၊ မပြဌာန်းဘဲနန့်မိမိအသိစိတ်နန့်မိမိတာဝန်ထမ်း ဆောင်ဖို့ အသိတရားတိ ရခိုင်သားတိုင်း အသွီးအ သားထဲ မှာစီးဝင်နီဖို့လိုရေ။
အေအေ AA ကိုဆက်သွယ်ရေနည်းလမ်းတိက သူ့နည်းသူ့ဟန်နန့်ဟိပါရေ။အေ ဆက်သွယ်ရေ နည်းတိကို မိတ်ဆွီအများစုက Social Media FB ထက်မှာမရီးဖို့ message box ကတစ်မျိုး၊ ဖုန်းနန့်တစ်မျိုး၊ Comment box ကတစ်မျိုးသတိပီး အသိပီးပနာ စိုးရိမ်ပီးကတ်တေ။ ယင်းလူတိကို ကျေးဇူးပါလို့။
ကျနော် အေအေ AA ကို ဝင်ဖို့ဆက်သွယ်ရေနည်း တိထဲက နည်းလမ်းအများကြီးထဲက တချို့ကိုတော့ ပြောပီးလို့ရရေ။
#၁။ ကိုယ်တိုင်ဆက်သွယ်စုံစမ်းပနာနီးစပ်ရာစစ်ဒေသမှဝင်ရောက်ခြင်း။
#၂။ ပြန်ကြားရီးဖုန်း၊ email ၊ FB များမှ တစ်ဆင့် စုံစမ်း၍ဝင်ရောက်ခြင်း။
www.facebook.com/thearakanarmy1
arakanarmy2012@gmail.com
ဖုန်းနံပကိုအေမှာမဖော်ပြပါရာ။
#၃။ တာဝန်ထမ်းဆောင်နီရေ ညီအစ်ကိုမောင်နှမ ဆွီမျိုး သူငယ်ချင်းတိ၏ ထောက်ခံမှုကနီတစ်ဆင့် ဝင်ရောက်ခြင်း။ (အကောင်းဆုံးနည်း)
နောက်ထပ် နည်းလမ်းတိကတော့ စစ်ဖက်ဆိုင်ရာ လုံခြုံရီးအရ မရီးပါရာ။ အေ ၃ နည်းထဲမှာ နံပ ၃ နည်းက အကောင်းဆုံးနည်းပါ။ တစ်ချို့ က ငါ့မှာ ဆွီမျိုး ညီအစ်ကို မောင်နှမတိ မဟိဆိုပနာ စိတ်အား မငယ်ကတ်ပါကေ့။
မြင့်မြတ်တေအေအေAA စစ်သည်တော်ဖြစ်ချင်ရေလူတိအတွက် ဖြစ်ကိုဖြစ်ရမယ်ဆိုရေ ယုံကြည်မှုသံန္နိဌာန်ဟိကေ ဖြစ်ကိုဖြစ်ရပါလိမ့်မယ်။ ယင်း ပိုင်စိတ်ဟိလို့ မဖြစ်ရေလူရေ အေနိထိမဟိသိမ့်ပါ။
အေအေ AA စစ်သည်တော်တစ်ယောက်မှာ အေအေ AA ထဲကိုလာရေခါ ကိုယ်နန့်အတူပါလာရဖို့ ပစ္စည်းတိအကြောင်း ဆက်ရီးအုံးမယ်။
အေမိန်းခွန်းအတွက် အေအဖြီနန့် ပတ်သက်လို့ သိချင်စရာဟိကေ ပြန်ကြားရီး ဖေ့ဘုတ် Page မှာ message ပို့လို့ဖြစ်ဖြစ်၊ ဖုန်းဆက်ပနာ ဆက်သွယ်လို့ဖြစ်ဖြစ်၊ အထက်က မေးလ်ကို ပို့လို့ဖြစ်ဖြစ် ဆက်သွယ်စုံစမ်းနိုင်ရေ။
You are AA. We are AA.